Braziliyanın “Kruzeyro” klubunda çıxış edən hücumçu Kayо Jorje karyerasını Almaniya Bundesliqasında davam etdirə bilər.
Sportinfo.az xarici KİV-ə istinadən xəbər verir ki, 23 yaşlı forvardla Leverkuzen “Bayer”i və “Bayern” maraqlanır.
Münhen təmsilçisi Jorjeni Harri Keynin mümkün əvəzedicisi kimi nəzərdən keçirir.
Braziliyalı futbolçu ilə “Milan”, “Benfika”, “Fiorentina” və “Aston Villa” da maraqlanır.
“Kruzeyro” Jorjenin satışından 40-45 milyon avro gəlir əldə etməyi planlaşdırır.
Jorje bu mövsüm Braziliya çempionatında 19 oyunda meydana çıxıb və 7 qol vurub.
