"Zirə"nin baş məşqçisi Zaur Həşimov özünə yeni köməkçi götürəcək. Bu barədə Sportinfo.az-a gənc mütəxəssisin özü məlumat verib.
O bildirib ki, fiziki hazırlıq üzrə yardımçıya ehtiyacı var: "Hazırda iki köməkçi ilə işləyirəm - biri Azər Məmmədov, biri də Anar Niftəliyev.
Məşqçi korpusunda bir yer boşdur. Hazırda nəzərimdə olan bir neçə nəfər var. Hamısı yerlidir. Kənardan məşqçi gətirmək fikrim yoxdur. Yəqin ki, fiziki hazırlıq üzrə köməkçim gənc və çoxunun tanımadığı biri olacaq".
