“Turan”ın baş məşqçisi Kurban Berdıyev “Lokomotiv”i çalışdıra bilər.
Sportinfo.az xəbər verir ki, Moskva təmsilçisi hazırkı baş məşqçi Mixail Qalaktionovla yollarını ayıracağı təqdirdə, Berdıyevin namizədliyi nəzərdən keçirilir.
Məlumata görə, onun namizədliyini klubun direktorlar şurasının sədri Yuri Nagornıx dəstəkləyir. Siyahıda Stanislav Çerçesov, Vladimir Fedotov, Vadim Yevseyev və Sergey İqnaşeviçin də adları var.
Hazırda Rusiya Premyer Liqasında 13 turdan sonra 11 xalla 14-cü pillədə qərarlaşan “Lokomotiv” bu gün doğma meydanda “Rubin”lə qarşılaşacaq.
