"Bütün diqqəti işimizə ayıracağıq".
Bu sözləri Sportinfo.az-a açıqlamasında "Şamaxı"nın baş məşqçisi Vüqar Əsgərli deyib.
Premyer Liqada sonuncu yeri tutan əyalət təmsilçisi növbəti mövsümə I Divizionda başlayacaq.
Cavid Hüseynovla birgə gəlsə də, onun istefasından sonra burada qalmağı üstün tutan gənc mütəxəssis yeni sezondakı hədəflər barədə söz açıb:
"Müəyyən danışıqlar gedir ki, komandadakı boşluqları tez bir zamanda aradan qaldıraq. Məqsədimiz bir il sonra yenidən elitaya qayıtmaq olacaq.
Bunun üçün əlimizdən gələni edəcəyik. Tezliklə işə başlayacağıq".
