"Şamaxı"nın baş məşqçisi vəzifəsindən ayrılan Sənan Qurbanov peşəkar karyerasında ən pis nəticə ilə qarşılaşıb.
Onun komandası son olaraq "Qarabağ"a 0:8 hesabı ilə uduzub.
Nəticədə indiyədək “Qəbələ” və “Şamaxı”da baş məşqçi işləyən Sənan Qurbanov karyerasının ən ağır yenilgisini alıb.
Amma o, bundan sonra da işini davam etdirmək niyyətində olub. Suraxanıdakı matçın ardından paltardəyişmə otağına yollanan çalışdırıcı futbolçulara öz iradlarını bildirmək istəyib.
“Şamaxı”da aylıq maaşı 7000 manat olan Qurbanov rəhbərliyin qərarını gözləmirmiş… “Yuxarı“dan gələn zəngdən şok keçirən baş məşqçiyə bildirilib ki, buranı birdəfəlik tərk etsin.
Bununla belə, kiçik təsəllisi var – rəhbərlik aprel ayının məvacibini ona ödəyəcək.
SPORTİNFO.AZ