«Keşlə» yayda müqaviləsi bitəcək legionerlərə yeni sözləşmə təklif etməyib.
Bu barədə Sportinfo.az-a paytaxt təmsilçisindən məlumat verilib.
Bildirilib ki, bu, klub ətrafında yaranmış qeyri-müəyyənliklə əlaqədardır.
«Keşlə» gələn ay Şamaxıya köçməyi planlaşdırır və hələ də bilinmir ki, rəhbərlik kimin əlində olacaq: Zaur Axundov burada qalacaq, yoxsa nəzarət Şamaxı İcra Hakimiyyətinə keçəcək.
AFFA bununla bağlı «Keşlə»yə heç bir məlumat verməyib. Ona görə də əcnəbi futbolçuların gələcəyi barədə qərarı kimin verəcəyi naməlumdur.
