"Keşlə"dən ayrılan növbəti futbolçunun kimliyi məlum olub.
Sportinfo.az-ın məlumatına görə, Bakı təmsilçisi Xəzər Mahmudovla yolları ayırıb.
Baş məşqçi Sənan Qurbanov gənc futbolçu ilə yeni müqavilə imzalanmasında maraqlı olmayıb.
Artıq futbolçu ilə maraqlanan klublar da var. Konkret olaraq "Sumqayıt" və "Səbail" Mahmudovu heyətinə qatmaqda maraqlıdır.
Xatırladaq ki, "Keşlə"nin öz yetirməsi olan 20 yaşlı hücumçu 2019-cu ildən əsas komandada çıxış etməyə başlamışdı.
