.jpg)
“Tottenhem” noyabrın 20-də baş məşqçisi Maurisio Poçettinonu köməkçiləri ilə birgə istefaya göndərdi, yerinə Joze Mourinyonu təyin etdi.
Argentinalı mütəxəssis 2014/15 mövsümündən İngiltərə klubunu çalışdırırdı.
İngiltərə Premyer Liqasında çıxış edən klubun rəhbərliyinin son qərarı Azərbaycan çempionatında mübarizə aparan komandanın baş məşqçisinin planlarını pozub.
Söhbət "Səbail"in çalışdırıcısı Aftandil Hacıyevdən gedir. Yaxınlarda Belarusa səfər edən və BATE-də bir həftəyə yaxın təcrübə keçən gənc mütəxəssis Sportinfo.az-a bildirib ki, dekabrda "Tottenhem"in düşərgəsinə yollanmağı planlaşdırırmış:
"Poçettino ən bəyəndiym məşqçilərdən biridir. Onun istefaya göndəriləcəyini gözləmirdim. Artıq "Tottenhem"in qrafikini öyrənmişdim, səfərə çıxmağa hazırlaşırdım. Dekabrın son günlərində İngiltərəyə getməyi və bir neçə gün təcrübə toplamağı düşünürdüm.
Poçettino iş yerini tərk etdiyindən.bundan sonra ora getməyim mənasızdır. İndi gözləyirəm ki, Poçettino Avropanın hansı məşhur klubuna təyinat alacaq. O, hansı kluba getsə, çalışacam ki, ora yollanım".
