“Atletiko”nun hücumçusu Xulian Alvares komandanın məşqinə qatılmayıb.
Sportinfo.az xarici KİV-ə istinadən xəbər verir ki, Madrid təmsilçisinin rəsmiləri argentinalı futbolçunun məşqdə iştirak etmədiyini təsdiqləyib.
Klub nümayəndələri oyunçunun gecə normal yata bilmədiyini və özünü yaxşı hiss etmədiyini bildiriblər.
Alvares La Liqanın ilk turunda, “Vilyarreal”la 2:2 hesablı heç-heçə etdikləri matçda “Atletiko” azarkeşlərinin fitə basmasına məruz qalıb.
26 yaşlı hücumçunun bütün yay ərzində “Barselona”ya keçmək istədiyi barədə məlumatlar yayılıb. Ancaq “Atletiko” rəhbərliyi onu buraxmaq niyyətində deyil.
