“Sabah”ın Çempionlar Liqasının əsas mərhələsində ev oyunlarını keçirəcəyi stadion müəyyənləşib.
Sportinfo.az xəbər verir ki, "bayquşlar" rəqiblərini Tofiq Bəhramov adına Respublika stadionunda qəbul edəcək.
“Sabah”ın əsas stadionu Masazırda yerləşən “Bank Respublika Arena”dır. Klub uzun müddətdir ev oyunlarının böyük hissəsini məhz bu arenada keçirir.
Komanda 2026-cı ildə də Azərbaycan çempionatındakı ev matçlarının əksəriyyətini “Bank Respublika Arena”da oynayıb.
“Sabah” İsraildən Hapoel Beer-Şeva” ilə dramatik keçən Çempionlar Liqasının pley-off mərhələsindəki mübarizədən sonra turnirin əsas mərhələsinə vəsiqə qazanıb.
İlk oyunda 1:2 hesabı ilə məğlub olan Azərbaycan çempionu Bakıda keçirilən cavab görüşündə möhtəşəm geridönüşə imza ataraq əlavə vaxtda 5:2 hesabı ilə qalib gəlib. Bununla da “Sabah” iki oyunun nəticəsinə görə 6:4 hesabı ilə mərhələni keçib.
