Çempionlar Liqasının 2026/2027 mövsümündə istifadə olunacaq yeni oyun topu təqdim edilib.
Sportinfo.az xəbər verir ki, UEFA-nın Çempionlar Liqasının mətbuat xidməti sosial şəbəkədə yeni topun təqdimatını keçirib.
Yeni top turnirin əsas mərhələsinin, eləcə də pley-off mərhələsinin oyunlarında istifadə olunacaq.
Çempionlar Liqasının əsas mərhələsinin püşkatma mərasimi avqustun 27-də keçiriləcək - Bakı vaxtı ilə isə saat 20:00-da.
Püşkatma zamanı Liqa mərhələsində iştirak edəcək Azərbaycan çempionu "Sabah" da daxil olmaqla, 36 komandanın rəqibləri müəyyənləşəcək.
“Sabah”ın 8 fərqli rəqibi olacaq. Azərbaycan çempionu 4 oyunu evdə, 4 oyunu isə səfərdə keçirəcək. İlk tur 8-10 sentyabrda olacaq.
Çempionlar Liqasının püşkatmasında yarışa birbaşa vəsiqə qazanan 29 komanda və pley-off mərhələsinin 7 qalibi iştirak edəcək.
