"Səbail" futbolçu itkiləri ilə üzləşib. Sportinfo.az xəbər verir ki, "dənizçilər"in bombardiri Ağabala Ramazanov və gənc yarımmüdafiəçi Əli Sadıxov "Qəbələ" ilə Azərbaycan Premyer Liqasının XI tur matçında cəzalanıblar.
Ramazanov növbəti sarı vərəqə alaraq cəzalı duruma düşüb. III turda "Qarabağ", VII turda "Neftçi", VIII turda isə "Sumqayıt"la qarşılaşmada "sarı" alan forvard artıq vərəqə limitini doldurduğu üçün "Sabah"a qarşı XII tur matçını buraxacaq.
Sadıxov isə rəqibi aşkar qol imkanından məhrum etdiyi üçün qırmızı vərəqə alıb. Hər iki oyunçu XII turda "Sabah"la ev matçını buraxacaq.