“Futbolda yeni-yeni addımlar atanda Mahmud Qurbanovla birgə "Xəzər Lənkəran"da oynamışıq.
Çox yaxşı tanıdığım insandır”.
Bu sözləri Sportinfo.az-a açıqlamasında “Səbail”in kapitanı Rahid Əmirquliyev deyib.
2018-ci ildən Bayıl klubunun formasını geyinən yarımmüdafiəçi yeni baş məşqçiləri Mahmud Qurbanovla birgə işləməkdən məmnun olduğunu bildirib:
“Futbolda çox şeyləri onlardan öyrənmişəm. Mahamud müəllimin necə futbolçu olmasından danışmağa ehtiyac yoxdur.
Məşqçi kimi işlədiyi yerlərdə uğurlu olub. İnşallah, "Səbail"də də yaxşı komanda formalaşdırar və bir yerdə yaxşı nəticələr qazanarıq.
Bu mövsüm çox komandaya başağrısı ola biləcəyik".