"Bu komandada çoxlu qol vuracağıma inanıram.
Hər bir hücumçu kimi mən də bunu istəyirəm".
Sportinfo.az xəbər verir ki, bunu "Qarabağ"ın albaniyalı legioneri Redon Cica ölkəsinin telekanallarından birinə müsahibəsində deyib.
25 yaşlı hücumçu Ağdam klubunda əsas heyət üzvü olmaq istədiyini bildirib: "Bu səbəbdən daha çox oynamaq şansı qazanmalıyam".
Redon Cica “Qarabağ”la 3,5 illik müqavilə imzalayıb. O, "Qarabağ"a gələrkən çox yaxşı qarşılandığını söyləyib:
"Açığı, bu cür isti münasibət gözləmirdim. Ansi Aqolli burada əfsanədir. Sadəcə, heyran qaldım".
Forvard Azərbaycan və Albaniya futbolunu da müqayisə edib: "Bizdən fərqli olaraq, burada çox sürətli və texnikalı oyun oynanılır. Yeganə fərq bundan ibarətdir".
