Mübariz Mənsimovun əmlakı hərraca çıxarıldı - FOTO

14 May 17:20 Qalmaqal 760
Mübariz Mənsimovun əmlakı hərraca çıxarıldı - FOTO

“Xəzər Lənkəran“ın sahibi Mübariz Mənsimova məxsus olan və Rusiyanın Rostov vilayətində yerləşən “Palmali Kaspisykie Morskie proyektı” MMC şirkətinin əmlakı hərraca çıxarılıb.

Sportinfo.az Rusiya KİV-lərinə istinadən xəbər verir ki, şirkətin balansındakı “Yuri Kuvıkin” nəqliyyat-montaj bərəsi (2013-cü ildə inşa edilib) və “Liebherr” mobil dizel hidravlik kranı vahid lotda 1.2 milyard rubl (16 milyon dollara yaxın) start qiymətinə alıcılara təklif ediləcək.

Bu obyektlərin balans dəyəri 1.7 milyard rubl təkil edir. Potensial alıcılar öz müraciətlərini mayın 16-na qədər təqdim edə bilərlər. Obyektlərin hərracda satışı barədə informasiya müflisləşmə haqda məlumatların Vahid Federal Reyestrində yerləşdirilib.

“Palmali Kaspisykie Morskie proyektı” MMC hazırda Türkiyədə həbsdə olan azərbaycanlı biznesmen Mübariz Mənsimovun “Palmali” şirkətlər qrupuna məxsus, Rostovda qeydiyyatdan keçmiş “Palmali” MMC-nin törəmə müəssisəsidir.

“Palmali” MMC-nin barəsində 2018-ci ildən müflisləşmə proseduru başladılıb. Şirkətin onlarla gəmiləri və digər əmlaklı “Sberbank”a, digər kreditorlara olan yüz milyonlarla dollarlıq borca görə hərracda satılır.

Digər Xəbərlər
Xəbər Lenti
30 May 13:26 Holanda göz dəydi?