"Brügge"nin müdafiəçisi Simon Deli Çempionlar Liqasının qrup mərhələsinin II turunun "Real"la oyunundakı (2:2) hakim idarəçiliyini tənqid edib.
Sportinfo.az xəbər verir ki, 27 yaşlı futbolçu bununla bağlı "İnstagram" hesabında kinayəli paylaşım edib.
O, "kral klubu"nun müdafiəçisi Serxio Ramosun ofsayddan vurduğu qolu hesaba alan VAR hakimlərinə "təşəkkür"ünü bildirib: "Növbəti dəfə böyük klubu xilas etdiyinə görə VAR-a təşəkkür edirəm".
Deli daha sonra paylaşımı silib.
