.jpg)
Dünya futbolunun ən bahalı hücumçusunun adına aydınlıq gəlib.
Sportinfo.az “The Touchline”-a istinadən xəbər verir ki, bu ada Norveç millisinin və “Mançester Siti”nin forvardı Erlinq Haland sahibdir.
Onun transfer dəyəri 220 milyon avro qiymətləndirilir.
Siyahıda ikinci yeri Fransa millisinin və “Real”ın hücumçusu Kilian Mbappe tutur. 27 yaşlı futbolçunun bazar dəyəri 200 milyon avrodur.
İlk üçlüyü isə “Atletiko”nun argentinalı hücumçusu Xulian Alvares tamamlayır. Onun transfer dəyəri 110 milyon avro təşkil edir.
Ən bahalı 10 hücumçu arasında həmçinin, Joao Pedro (“Çelsi”), Osman Dembele (PSJ), Aleksander İsak (“Liverpul”), Lautaro Martines (“İnter”), Huqo Ekitike (“Liverpul”), Benjamin Şeşko və Mateus Kunya (hər ikisi “Mançester Yunayted”) yer alıblar.
.jpg)
