“Real”ın hücumçuları Kilian Mbappe ilə Vinisius Juniorun münasibətlərinin ideal olmadığı iddia edilir.
Sportinfo.az “The Athletic”-ə istinadən xəbər verir ki, futbolçular meydandan kənarda yaxşı yola getsələr də, meydandakı münasibətləri mürəkkəb olaraq qalır.
Hər iki oyunçu ilə yaxşı münasibətləri olan mənbə vəziyyəti belə şərh edib:
“Mbappe ilə Vinisius özlərini hər məsələdə bir-biri ilə müqayisə edirlər. Onlardan biri müdafiəyə kömək etmirsə, digəri də bunu etmir”.
Vinisiusun klubda “qızıl top” uğrunda mübarizədə Mbappenin namizədliyinə dəstək verilməsindən narazı olduğu ehtimal edilir.
“Qızıl top” mükafatının təqdimetmə mərasimi oktyabrın 26-da, İngiltərənin paytaxtı Londonda keçiriləcək.
