.jpg)
Azərbaycan millisinin sabiq futbolçusu Mahir Şükürovun ögey qardaşı Ümüd Şükürovun dələduzluq etdiyi iddia olunur.
Sportinfo.az xəbər verir ki, bu barədə zərərçəkmiş özü lent.az-a məlumat verib.
O bildirib ki, Şükürov Ümüd Malik oğlu bir neçə ay əvvəl Gürcüstandan avtomobil ehtiyat hissəsi gətirmək adı ilə ondan 150 manat beh alıb. Dəfələrlə onunla əlaqə saxlayan zaman məsələni həll edəcəyini bildirsə də, sonradan yoxa çıxıb.
Zərərçəkmiş həmçinin Ü. Şükürovun özünü polis zabiti kimi təqdim etdiyini də dilə gətirib. Lent.az daxil olan şikayət əsasında araşdırma aparıb.
Hüquq-mühafizə orqanlarından əldə etdiyimiz məlumata görə, Ümüd Şükürov Sumqayıtda dələduzluq etdiyinə görə axtarışda olub.
O, bir neçə ay əvvəl həmin cinayətlərinə görə həbs olunub. Onun hazırda həbsxanalardan birində cəza çəkdiyi bildirilir.
Məsələ ilə bağlı “qafqazinfo” Mahir Şükürovla əlaqə saxlayıb. Millinin sabiq müdafiəçisi onun belə bir qardaşı olmadığını deyib: “Mənim o adda qardaşım yoxdur, məlumat doğru deyil”.
Mahir Şükürovun atasının adı Ağateyyub Şükürovdur.
