«Məncə, bizim futbolun Gürcüstan futboluna çatmasına hələ var».
Bu sözləri Sportinfo.az-a açıqlamasında «Qəbələ»nin kapitanı Asif Məmmədov deyib.
Uzun illərdir «qırmızı-qaralar»ın formasını geyinən 36 yaşlı yarımmüdafiəçi qonşu Gürcüstanın tarixində ilk dəfə Avropa çempionatına vəsiqə qazanması haqda fikirlərini bölüşüb:
«Onlar böyük turnirlərə qatılmağa əvvəldən yaxın idilər. Bu gün gürcülərin 100-dən çox futbolçusu Avropada oynayır.
Onlara çataq, sonra müqayisə edərik. Bu gün Gürcüstan Futbol Federasiyasında çalışanların hamısı futbol adamlarıdır. Amma bizim federasiyada vəziyyət acınacaqlıdır».
.jpg)
