"Premyer Liqanı aprelin 14-dək bərpa edə bilməyəcəyik"

14 Mart 14:50 Premyerliqa 679
"Premyer Liqanı aprelin 14-dək bərpa edə bilməyəcəyik"

Azərbaycan Premyer Liqasında XXIII, XXIV və I Divizionda XXI-XXII turlar təxirə salınacaq.

Bu barədə Sportinfo.az-a Peşəkar Futbol Liqasının (PFL) Mətbuat və İctimaiyyətlə Əlaqələr Departamentinin rəisi Aslan Şahgəldiyev məlumat verib.

Onun sözlərinə görə, AGİN və Nazirlər Kabinetinin ölkə üzrə verdiyi qərarlar bu addımı atmağı zərurətə çevirib:

"Gənclər və İdman Nazirliyi dünən açıqlama yararaq, ölkə ərazisindəki bütün idman qurğularının fəaliyyətini dayandırdığını bildirib. Onların nə vaxt açılacağı bilinmir.

Həmçinin Nazirlər Kabineti qərar verib ki, bütün kütləvi tədbirlər 1 ay ləğv olunur. Bu, o deməkdir ki, Peşəkar Futbol Liqası aprelin 14-dək çempionatı bərpa edə bilməyəcək.

Bir də, bilirsiz ki, UEFA martın 17-də video-konfrans keçirəcək. Orada kütləvi futbol.tədbirləri, o cümlədən, AVRO-2020 ilə bağlı bir sıra mühüm qərarlar veriləcək. Bu qərarlardan çox şey asılıdır.

Ondan sonra biz də hansı addımlar atacağımızı müəyyənləşdirəcəyik. Avropa çempionatı öz vaxtında keçiriləcək, 1 il sonraya təxirə salınacaq, yoxsa başqa vaxta keçiriləcək - bunların dəqiqləşməsi bizim üçün də vacibdir".

Azərbaycan Premyer Liqasında XXIII turun oyunları 4-5 apreldə, XXIV turun matçları isə 11-12 apreldə keçirilməli idi. I Divizionda isə isə XXI tur 2-3 apreldə, XXII tur isə 9-10 apreldə olmalı idi.

PFL daha öncə Premyer Liqada XXI və XXII, I Divizionda isə XX turun təxirə salındığını açıqlayıb.

Digər Xəbərlər
Xəbər Lenti
26 Oktyabr 17:52 “Sabah”da 15 oldu - FOTO
26 Oktyabr 16:28 Messi Ronaldonu istəyir