Bugünlərdə "Neftçi"ylə müqaviləsini pozaraq "Kolos"a keçən Kiril Petrov Anton Krivotsyuk ilə görüşüb.
Sportinfo.az-ın məlumatına görə, sabiq komanda yoldaşları Antalyanın məşhur ticarət mərkəzlərindən birindəki restoranda bir araya gəlib.
1 saatdan artıq çəkən söhbət gərgin keçib. Görüş şahidlərinin redaksiyamıza verdiyi informasiyaya görə, Petrov əsəbi görünüb və bir neçə dəfə gənc həmyerlisinin üzərinə səsini qaldırıb.
Kiril hələ ötən ilin dekabrında "Neftçi"ni tərk edib. Komandanın son oyunlarında meydana çıxmaması ailə problemləri ilə əlaqələndirilmişdi.
Rəsmilər mediaya belə bir dezinformasiya ötürmüşdülər ki, guya ukraynalı müdafiəçinin yoxluğu həyat yoldaşının ağır xəstəliyə tutulmasıyla bağlıdır və cütlük övladlarıyla bərabər, ölkələrinə qayıtmaq istəyir.
Bu ilin əvvəlində isə "ağ-qaralar" sözügedən legionerlə müqaviləyə qarşılıqlı xitam verildiyini açıqladı.
Amma ki… Petrovun "Neftçi"dən göndərilməsi tamamilə kənar səbəblərdən qaynaqlanır. Onun Antalyada Antonla görüşməsi bundan irəli gəlir. Bu xəbəri xatırlayın (https://www.sportinfo.az/idman_xeberleri/neftci/73825.html), qoy, çox şey sizə aydın olsun.
.jpg)
