«Kəpəz»in yeni sponsorun çətiri altına keçəcəyini günlər öncə xəbər vermişik.
Bu işlə birbaşa Rövşən Nəcəf məşğuldur.
AFFA və SOCAR-ın prezidenti Gəncə təmsilçisinə himayədar tapılması prosesini şəxsi nəzarətinə götürüb və deyə bilərik ki, artıq müəyyən nəticələr də əldə olunub.
SOCAR-a bağlı törəmə şirkətlərdən biri «sarı-göylər»ə maliyyə dəstəyi verəcək. Birinci ildə ayrılacaq büdcə barədə məlumatlar gəlməkdir: burada 3 milyon manatdan bəhs olunur.
Dövlət tərəfindən ayrılan 3 milyon manatlıq yardım paketini də bunun üstünə gəlsək, «Kəpəz» 6 milyonla növbəti sezona başlaya bilər.
Yeni himayədar törəmə şirkəti kurasiya etməklə yanaşı, SOCAR rəhbərliyində yer alır. Rövşən Nəcəfə çox yaxın biridir: insan və kadr olaraq. Aralarında sıx dostluq bağları mövucddur.
İlqar Nadirini nə gözləyir? Klubun İdarə Heyətinin sədri bugünlərdə AFFA-ya dəvət edilib.
Onunla bağlı qapılar arxasında görüş keçirilib, prosesin gedişatı barədə məlumatlandırılıb.
Altı ilə yaxındır «Kəpəz»i idarə edən şəxsin birdən-birə buradan uzaqlaşdırılması az inandırıcıdır. Böyük ehtimalla, klubda bir vəzifədə verib saxlaycaqlar.
Mümkündür ki, heç ilk aylarda sədr postunu da əlindən almasınlar. İş zamanla görüləcək, səlahiyyətləri tədrici şəkildə məhdudlaşdırılacaq.
SPORTİNFO.AZ
