“Mançester Yunayted”in hücumçusu Coşua Zirkze karyerasını “Yuventus”da davam etdirməyə yaxındır.
Sportinfo.az xarici KİV-ə istinadən xəbər verir ki, niderlandlı Turin klubuna keçidə açıqdır və hazırda “Mançester Yunayted”lə mümkün transferin formatı üzrə aparılan danışıqların nəticəsini gözləyir.
İyulun sonunda “Yuventus”un nümayəndələrinin Zirkze ilə maraqlandığı və onun transfer şərtlərini öyrəndiyi bildirilmişdi.
Həmin vaxt yayılan məlumata əsasən, İngiltərə klubu 24 yaşlı hücumçunu 35-40 milyon avro arasında dəyərləndirir.
“Mançester Yunayted” futbolçunu ya birdəfəlik transfer etməyə, ya da satınalma öhdəliyi ilə icarəyə verməyə üstünlük verir.
“Yuventus”un idman direktoru Frederik Massara transferin reallaşması üçün bütün tərəflərlə sıx əlaqə saxlayır.
Zirkze 2025/26 mövsümündə “Mançester Yunayted”in heyətində keçirdiyi 24 oyunda 2 qol vurub.
