“Tottenhem”in yarımmüdafiəçisi Luka Uilyams-Barnett karyerasını Almaniya Bundesliqasının iddialı klublarından birində davam etdirə bilər.
Sportinfo.az xarici KİV-ə istinadən xəbər verir ki, Dortmund “Borussiya”sının skautları 18 yaşlı futbolçunun inkişafını yaxından izləyirlər.
İngiltərəli yarımmüdafiəçiyə “Çelsi”, “Mançester Siti” və “Mançester Yunayted” də maraq göstərir.
Uilyams-Barnett 2025-ci ildən “Tottenhem”də çıxış edir. Hazırda o, London təmsilçisinin gənclər komandasının üzvüdür.
Bundesliqada beş turdan sonra 13 xal toplayan “Borussiya” turnir cədvəlinin 2-ci pilləsində qərarlaşıb.
Komanda Çempionlar Liqasının əsas mərhələsinin 3-cü turunda, oktyabrın 20-də Bakıdakı Olimpiya stadionunda “Sabah”ın qonağı olacaq.
