“Torino”nun yeni baş məşqçisi müəyyənləşib.
Sportinfo.az A Seriyası təmsilçisinin rəsmi saytına istinadən xəbər verir ki, komandanı keçmiş müdafiəçi İqnasio Abate çalışdıracaq.
Turin klubunun yaydığı məlumata görə, 39 yaşlı mütəxəssislə 2028-ci ilin yayına qədər müqavilə imzalanıb.
Abate futbolçu karyerası ərzində “Milan”, “Napoli”, “Empoli” və “Torino”nun formalarını geyinib. O, həmçinin İtaliya millisində də çıxış edib.
Məşqçilik fəaliyyətinə “Milan”ın aşağı yaş qruplarında başlayan Abate son olaraq Serie B təmsilçisi “Yuve Stabiya”nı çalışdırıb.
“Torino” ötən mövsüm A Seriyasını 12-ci pillədə başa vurub.
