“Atalanta”nın hücumçusu Canluka Skamakka ciddi zədə alıb.
Sportinfo.az xarici KİV-ə istinadən xəbər verir ki, italiyalı forvard dizinin ön çarpaz bağlarını qoparıb və qarşıdakı 6-7 ayda meydançaya çıxa bilməyəcək.
Skamakka ötən mövsüm “Atalanta”nın əsas oyunçularından biri idi. İtaliyalı futbolçu debüt mövsümündə bütün yarışlarda 19 qol vurub və 7 məhsuldar ötürmə edib.
O, “Atalanta”ya A Seriyasında dördüncü yeri tutmağa, İtaliya kubokunun finalına yüksəlməyə və Avropa Liqasını qazanmağa kömək edib.
25 yaşlı Skamakka keçən yay 26 milyon avroya “Vest Hem”dən “Atalanta”ya keçib.
