UEFA “Yuventus”u avrokuboklardan kənarlaşdıra bilər.
Sportinfo.az xəbər verir ki, buna Turin klubunun maliyyə fırıldağında ittiham olunması səbəb göstərilir.
İtaliya Futbol Federasiyasının məhkəməsi bu ilin yanvarında “Yuventus”un 15 xalını silmişdi.
Bundan sonra komanda turnir cədvəlinin 10-cu pilləsinə düşmüş və Çempionlar Liqasının növbəti mövsümü üçün vəsiqə şansını itirmək riski ilə üzləşmişdi. Lakin komandanın silinən xalları aprel ayında bərpa olundu.
İndi yeni məhkəmə prosesi gedir. Amma yaxın aylarda bu məsələ ilə bağlı yekun qərar verilməsə, UEFA “Yuventus”u avrokuboklardan kənarlaşdıracaq.
Diskvalifikasiya müddəti ən azı bir il ola bilər.
