Türkiyəli futbolçu Koray Günter İtaliyada klubunu dəyişib.
Sportinfo.az xəbər verir ki, 28 yaşlı mərkəz müdafiəçisi "Verona"dan "Sampdoriya"ya keçib.
Mövsümün sonuna kimi icarə əsasında "Sampdoriya"da çıxış edəcək.
Koray Günter "Verona"ya 2020-ci ilin yayında "Cenoa"dan transfer olunub.
O, cari mövsümdə A Seriyası təmsilçisinin heyətində meydana çıxdığı 14 rəsmi matçda 1 qol və 1 məhsuldar ötürmə ilə yadda qalıb.