"Yuventus"un baş məşqçisi Massimiliano Alleqri istefaya göndərilə biləcəyi ilə bağlı yayılan xəbərlərə münasibət bildirib.
Sportinfo.az xəbər verir ki, o, keçirdiyi mətbuat konfransında deyib:
“İşdən qovulmağa yaxın olduğum barədə bütün şayiələr üçün darıxmışdım. Bir pis oyunla mətbuat mənim mümkün gedişimlə bağlı xəbərlərlə dolu idi.
Gülməlidir! Mən gələcəyimizə əminəm, ona görə də futbolçulara dedim: beynəlxalq fasiləmi korlamayın, bir az dincəlməliyəm”.
Turin təmsilçisi Çempionlar Liqasının qrup mərhələsinin ilk iki oyununda PSJ (1:2) və "Benfika"ya (1:2) uduzub.