“Mançester Yunayted” “İnter” və “Milan”a portuqaliyalı hücumçu Kriştiano Ronaldonu transfer etməyi təklif edib.
Sportinfo.az xəbər verir ki, klublar 37 yaşlı hücumçunu almaqda maraqlı olmadığı üçün “qırmızı şeytanlar”ın təklifindən imtina edib.
Daha əvvəl Ronaldonun “Mançester Yunayted”dən ayrılmaq istədiyi və karyerasını davam etdirmək üçün klub axtardığı bildirilirdi. Futbolçu üçün prioritet Çempionlar Liqasında çıxış edən klubdur.
İngiltərə Premyer Liqasının 2-ci turunun “Mançester Yunayted” – “Brentford” oyunundan (0:4) sonra Ronaldo baş məşqçi Erik ten Haqa yaxınlaşmayıb və əlini sıxmayıb.