“Arsenal”la “Çelsi” “Real”ın yarımmüdafiəçisi Arda Güləri izləyir.
Sportinfo.az xəbər verir ki, İngiltərə təmsilçilərinin skautları UEFA Millətlər Liqasının Türkiyə – İtaliya oyununda (1:4) 21 yaşlı futbolçunu tribunadan izləyiblər.
“Arsenal” və “Çelsi” Gülərin “Real”da kifayət qədər oyun vaxtı ala bilməməsi fonunda onunla maraqlanmağa başlayıb. “Topçular” hətta 2026-cı ilin əvvəlində türkiyəli futbolçunu heyətinə qatmağa çalışıb, ancaq transfer baş tutmayıb.
Arda Gülər bu mövsüm İspaniya çempionatında “Real”ın heyətində 7 oyuna çıxıb,1 qol vurub və 2 məhsuldar ötürmə verib.
Ardanın Madrid klubu ilə müqaviləsinin müddəti 2029-cu ilin iyununa qədərdir. Onun bazar dəyəri 90 milyon avro qiymətləndirilir.
Futbolçunu izləyən klublardan “Arsenal” UEFA Çempionlar Liqasının əsas mərhələsinin son turunda, yanvarın 27-də Azərbaycan çempionu “Sabah”ı qəbul edəcək.
