“Rusenborq”un 18 yaşlı yarımmüdafiəçisi Sverre Nypan İngiltərə klubuna keçə bilər.
Sportinfo.az “Telegraph”-a istinadən xəbər verir ki, “Arsenal” skandinaviyalı futbolçunun xidmətində maraqlıdır.
Nypanın gələcəyi ilə bağlı qərar yaxın həftələrdə veriləcək. Norveçli futbolçunun xidmətində İngiltərənin digər klubu “Mançester Siti” də maraqlıdır.
“Rusenborq” onun satışından təxminən 12 milyon avro qazanacağını gözləyir.
Nypan 2024-cü ildə Norveç çempionatında 28 matçda iştirak edib və 8 qol vurub.
