İngiltərə Premyer Liqasında futbolçulara saxta vaksin sertifikatı təklif edildiyi ilə bağlı məlumat yayılıb.
Sportinfo.az xəbər verir ki, bu məlumatı Premyer Liqanın 4 klubu təsdiqləyib.
Dələduzlar bu klubların futbolçuları ilə əlaqə yaradaraq, saxta vaksin sertifikatı təklif ediblər.
Dəllallar bunun üçün min funt (təxminən 1,8 min avro) haqq istəyiblər. Hər hansı bir futbolçunun bu təklifi qəbul edib-etmədiyi haqda məlumat verilmir.
Amma 4 klubun rəhbərliyi bildirib ki, futbolçular onları belə bir təklif aldıqları barədə məlumatlandırıblar.
Premyer Liqada futbolçuların 68 faizi hər iki doza vaksini qəbul edib. Bir doza vaksin vurduranlar da nəzərə alınsa, göstərici 81 faizə yüksəlir.