“Qızıl top”un üçqat sahibi Marko van Basten argentinalı mərhum futbolçu Dieqo Maradonanın Lionel Messidən niyə üstün olduğunu açıqlayıb.
Sportinfo.az “Give me Sport”-a istinadən xəbər verir ki, o, Messinin komandanı irəli aparacaq və yükünü daşıyacaq oyunçu olmadığını biıdirib:
“Messi böyük oyunçudur, ancaq Maradona həmişə komandada daha böyük şəxsiyyət olub. Messi komandasını irəli aparacaq və yükünü daşıyacaq oyunçu deyil”.
Maradona 25 noyabr 2020-ci ildə, 60 yaşında vəfat edib. 1986-cı il dünya çempionatının qalibinin ölüm səbəbi ürək tutması göstərilib. Onun ölümündə səkkiz tibb işçisi ehtiyatsızlıqdan adam öldürməkdə ittiham olunur.
