İsveçrənin Lozanna şəhərində Beynəlxalq Qılıncoynatma Federasiyasının (FIE) 100-cü Konqresi keçirilib.
Sportinfo.az xəbər verir ki, konqres çərçivəsində millimizin üzvü Anna Baştaya xüsusi mükafat təqdim olunub.
26 yaşlı idmançı cari mövsüm 2 Dünya Kubokunun və 1 Qran-prinin mərhələ yarışının qalibi olub. O, son Avropa çempionu, dünya çempionatının finalçısı kimi qadın sablyaçıların şəxsi mübarizəsində dünya reytinqinin 1 nömrəsidir.
Azərbaycan qılıncoynadanlarından daha öncə bu titula Yelena Jemayeva layiq görülüb.
Azərbaycan Qılıncoynatma Federasiyasını Konqresdə baş katib Vasif Məmmədov təmsil edib.
.jpg)
