Rumıniya Superliqasında 14-cü turun oyunları keçirilir.
Sportinfo.az xəbər verir ki, Azərbaycan millisinin müdafiəçisi Cəlal Hüseynovun çıxış etdiyi “Petrolul” öz meydanında “ÇFR Kluj”u qəbul edib.
Qarşılaşma heç-heçə yekunlaşıb.
Görüşə ehtiyat oyunçular skamyasından başlayan Cəlal Hüseynov 64-cü dəqiqədə Sergiu Hankanın əvəzinə meydana daxil olub. Millimizin üzvü 75-ci dəqiqədə sarı vərəqə ilə cəzalanıb.
Xallarının sayını 24-ə çatdıran "Petrolul" turnir cədvəlində dördüncü pillədə qərarlaşıb.
“Petrolul” - “ÇFR Kluj” 1:1
Qollar: Draziç, 5 (0:1), Bran Flores, 28 (1:1)
