Azərbaycanın FİFA referisi Əliyar Ağayev Avropa Liqası oyununa təyinat alıb.
Sportinfo.az xəbər verir ki, o, "Selta" (İspaniya) və Belçika "Yunion"u arasında keçiriləcək Liqa mərhələsinin 4-cü turunun matçını idarə edəcək.
Ona yan xətdə Zeynal Zeynalov və Akif Əmirəli köməklik göstərəcək. Dördüncü hakim funksiyasını Rauf Cabarov yerinə yetirəcək.
İspaniyanın Viqo şəhərində noyabrın 5-dən 6-na keçən gecə keçiriləcək "Selta" - "Yunion" oyunu Bakı vaxtı ilə saat 00:00-da start götürəcək.
