Futbol üzrə İran çempionatında 7-ci turun oyunları keçirilib.
Sportinfo.az xəbər verir ki, Cənubi Azərbaycan "Traktor"u Tehranda "Persepolis"in qonağı olub.
Qarşılaşma Təbriz təmsilçisinin 1:0 hesablı qələbəsiylə başa çatıb.
Azərbaycan milli komandasının müdafiəçisi Höccət Haqverdi də bu görüşün iştirakçısı olub. 29 yaşlı futbolçu matça start heyətdə başlayıb və 90 dəqiqə meydanda qalıb.
7 turdan sonra 11 xal toplayan "Traktor" turnir cədvəlinin 5-ci pilləsində qərarlaşıb. Təbrizlilər lider "Persepolis"dən 4 xal geri qalır.