Millimizin hücumçusu Mahir Emrelinin şərəfini qoruduğu Zaqreb "Dinamo"su Xorvatiya çempionatında 4-cü tur oyununa çıxıb.
Sportinfoaz xəbər verir ki, Ante Çaçiçin baş məşqçisi olduğu komanda səfərdə "Varazdin"lə qarşılaşıb.
Matç 1:1 hesabı ilə başa çatıb.
M.Emreli sözügedən görüşdə iştirak edib. Zədəsini yeni sağaldan hücumçu 46-cı dəqiqədə meydana daxil olub.
"Dinamo" hazırda 10 xalla turnir cədvəlinin 1-ci pilləsində qərarlaşıb.
"Varazdin" - "Dinamo" (Zaqreb) - 1:1
Qollar: Şpikiç, 45+1 (0:1), Seqo, 63 (1:1)