Latviya 1-ci liqasında 5-ci turun oyunları keçirilib.
Sportinfo.az xəbər verir ki, Azərbaycan yığmasının sabiq hücumçusu Vüqar Əsgərovun formasını geyindiyi “Super Nova” səfərdə “Saldus” ilə qarşılaşıb.
Azərbaycanlı futbolçunun komandası bu oyundan qələbə ilə ayrılıb – 6:1. Vüqar da bu görüşün iştirakçısı olub. Start heyətdə meydana çıxan azərbaycanlı futbolçu sonadək mübarizə aparıb.
Əsgərov bu görüşdə dubla imza atıb. 72-ci dəqiqədə özünün ilk qolunu vuran forvard, 90+1-ci dəqiqədə penaltidən fərqlənməklə “Super Nova”da bu mövsüm vurduğu qolların sayını 3-ə çatdırıb.
5 oyuna 10 xal toplamış “Super Nova” 9 kollektiv arasında 2-ci pillədə qərarlaşıb.