“Uzaqda olsam da fikrim həm də "Araz Naxçıvan"da idi”.
Bu sözləri Sportinfo.az-a açıqlamasında “Araz-Naxçıvan”ın məşqçisi Əfran İsmayılov deyib.
O, Bolqarıstanda olduğu zaman Naxçıvan klubu "Neftçi" üzərində qələbə qazandı - 1:0. Azər Bağırovun köməkçisi burda olmadığı üçün üzüntü keçiribmi?
Ümumiyyətlə, baş məşqçinin “sağ əli” belə nəticə gözləyirdimi? Onu dinləyək:
“Neftçi" ilə matça oteldə baxdım. Uşaqlar çox istəkli oynadı və layiqli qələbə qazandı.
Baxmayaraq ki, Mutu çox şey danışır. Deyir ki, “Araz” 10 nəfərlə müdafiə olundu.
Bu, başadüşüləndi. O da qələbə qazanmaq istəyir. Hardasa bərabərlik düşünürdük.
Azər müəllim çox ağıllı futbol oynatdı. Əks-hücumda rəqibi yaxalayıb, lazım olan qolu vurduq.
Çox yaxşı nəticədir. Çünki köklü bir komandaya qalib gəlmişik. Böyük qələbədir.
Bunu qeyd etmək lazımdır. Amma dayanmaq olmaz, bu qələbə arxada qaldı”.
