Xəbər verdiyimiz kimi, Naxçıvan şəhərində 20 min azarkeş tutumu olan stadion köçürüləcək.
Bu, Baş nazir Əli Əsədovun sərəncamı ilə təsdiqlənən "Naxçıvan Muxtar Respublikasının sosial-iqtisadi inkişafına dair 2023–2027-ci illər üçün Dövlət Proqramı”nın 2023–2024-cü illər üzrə Təfsilatlı Tədbirlər Planı”nda əksini tapıb.
Plana əsasən, Naxçıvan Muxtar Respublikasının Nazirlər Kabineti Gənclər və İdman Nazirliyi ilə birgə 2023-cü ildə stadionun yerində asudə vaxtın təşkili ilə bağlı kompleksin layihələndirmə işlərini həyata keçirməlidir.
Eyni zamanda, 2023-2024-cü illərdə Naxçıvan şəhərində böyük yaşayış komplekslərinin həyətində, parklarda və əhalinin sıx yaşadığı məhəllələrdə insanların idmanla məşğul olması, asudə vaxtın səmərəli təşkili məqsədilə sadə tipli açıq hava idman qurğularının qurulması təmin ediləcək.
Bu, elə anlaşılmasın ki, "Araz-Naxçıvan" stadionsuz qalacaq, bir də doğma yurda dönməyəcək. Muxtar Respublika təmsilçisi üçün yeni arena inşa olunacaq. Artıq onun yeri də bəllidir.
20 min nəfərlik idman qurğusu Naxçıvan şəhərinə bitişik qəsəbələrin birində tikiləcək.
Yerli Gənclər və İdman Nazirliyi həmin layihənin üzərində işləməyə başlayıb.
SPORTİNFO.AZ
