«Araz-Naxçıvan» Premyer Liqada mövsümün ilk qələbəsini ötən həftə əldə etdi.
«Dalğa Arena»da «Qəbələ» ilə qarşılaşan Muxtar Respublika təmsilçisi hər hissədə vurduğu bir qolla 3 xalı aktivinə yazdı.
2:0 hesablı zəfər 8 ildən sonra Premyer Liqaya qayıtmış komandanın üzvlərinə iri məbləğdə pul qazandırıb. Belə ki, yeni rəhbərlik futbolçuların hər birinə 1200 manat mükafat verib.
«Araz-Naxçıvan» üçüncü turun oyununa bu gün çıxacaq. Region klubu Suraxanıda «Qarabağ»ın qonağı olacaq.
Sensasiyaya imza atıb, son çempiona üstün gələrlərsə, alacaqları mükafat daha böyük pul olacaq – 100 min manat!
SPORTİNFO.AZ
