NARAZIDIR: "5 illik müqavilə tələb etməyim utopiyadır"

19 Aprel 16:45 Almaniya 181
NARAZIDIR: "5 illik müqavilə tələb etməyim utopiyadır"

Manuel Noyer hələ də “Bavariya” ilə yeni müqavilə məsələsində razılıq əldə edə bilməyib.

Sportinfo.az xəbər verir ki, Noyer danışıqların gedişi ilə bağlı məlumat verib.

O, “Bavariya” rəhbərliyindən narazı olduğunu gizlətməyib: “Əvvəllər klubla apardığım bütün söhbətlər həmişə məxfi olub. Heç bir şey sızmırdı. Ancaq indi mediada davamlı müzakirələr gedir, tez-tez yalan məlumatlar yayılır. Bu da məni əsəbiləşdirir. Mən belə “Bavariya”ya öyrəşməmişəm.

Nə qədər ki, formadayam, oynamaq istəyirəm. Ancaq mənim üçün əsas amil etibardır. Mənə aydındır ki, 5 illik müqavilə tələb etməyim utopiyadır. Çünki 34 yaşım var və 39 yaşda belə formada olacağımı iddia edə bilmərəm.

Kluba, oyunçu və kapitan kimi sədaqət göstərdiyim üçün rəhbər şəxslərdən də bunu gözləməyim anlaşılan olmalıdır”.

Xəbər Lenti
27 May 20:20 Artur qərarın verdi
26 May 22:40 Qurbanov lazım deyil?