Qadın voleybolçuların Azərbaycan Super Liqasında birinci turdan təxirə salınmış UNEC - “DH Volley” oyunu keçirilib.
Sportinfo.az xəbər verir ki, UNEC voleybol klubunun idman zalında baş tutan qarşılaşmada qonaqlar 3:0 (26:24, 25:12, 25:15) hesabı ilə qalib gəliblər.
Görüş “DH Volley”nin avrokuboklarda iştirakı səbəbindən təxirə salınmışdı.
Super Liqada növbəti oyun noyabrın 14-də keçiriləcək. İkinci tur çərçivəsində “Gəncə” Gəncə İdman Sarayında “Naxçıvan”la qarşılaşacaq. Görüş saat 16:00-da başlayacaq.
