Azərbaycan Premyer Liqasının 5-ci turunun "Qəbələ" ilə qarşılaşmasında zədələnən “Sumqayıt”ın müdafiəçisi Elvin Bədəlovun zədəsi ciddidir.
Bu barədə Sportinfo.az-a açıqlamasında klubun mətbuat xidmətinin rəhbəri Rəşad Məmmədov deyib:
"MRT müayinəsi aparıldı. Çapraz bağlarında qismən qopma var. Yaxın 2-3 gün ərzində həkimlərlə məsləhətlmələrdən sonra qərar veriləcək.
Görünən odur ki, Elvin uzun müddət yaşıl meydanlardan kənar qalacaq".
Millinin üzvü qolsuz başa çatan oyunun 20-ci dəqiqəsində ikili mübarizə zamanı zədələnib və Elton Turabovla əvəzlənib.