AFFA və Türkiyənin kişi geyim brendi arasında tərəfdaşlıq müqaviləsinin imzalanacağı tarix açıqlanıb.
Sportinfo.az "Fanatik" nəşrinə istinadən xəbər verir ki, tərəflər iyunun 15-də milli assosiasiyanın inzibati binasında rəsmi sözləşməyə imza atacaqlar.
Mərasimdə AFFA-nın icraçı vitse-prezidenti Elxan Məmmədov və şirkətin baş direktoru Hilal Suerdem iştirak edəcək.
Anlaşmaya əsasən, Azərbaycan milli komandasının üzvləri brendə məxsus kostyumlarla təmin olunacaqlar.
