Konfrans Liqasının pley-off mərhələsinin cavab oyunu çərçivəsində “Qarabağ”ın qonağı olacaq "Tvente" Bakıda azarkeşsiz qalmayacaq.
Sportinfo.az xəbər verir ki, Tofiq Bəhramov adına Respublika stadionunda keçiriləcək qarşılaşmaya Niderland klubunun təqribən 100-150 azarkeşinin gələcəyi gözlənilir.
"Qarabağ" - "Tvente" görüşü avqustun 27-də keçiriləcək və saat 20:00-da başlayacaq.
Komandaların Niderlandda oynanılan ilk görüşündə "Qarabağ" 1:0 hesabı ilə qalib gəlib.
