Gələn aydan etibarən «Şamaxı» adı altında Premyer Liqada çıxışını davam etdirəcək «Keşlə»nin rəhbərliyində yeni personalar yer alacaq.
Sportinfo.az bu barədə AFFA-dan məlumat əldə edib.
Redaksiyamıza daxil olan bilgiyə görə, Zaur Axundov hələlik Müşahidə Şurasının sədri postunda qalacaq. Onun yeni mövsümdə də burada işini davam etdirib-etdirməyəcəyi önümüzdəki həftələrdə məlum olacaq.
Klubun yeni idarəçilərini AFFA təkbaşına müəyyənləşdirməyəcək.
Bu işdə Şamaxı İcra Hakimiyyətinin (İH) mövqeyi də əsas götürüləcək. Çünki «Şamaxı»nın maliyyələşməsində yerli İH də iştirak edəcək.
SPORTİNFO.AZ
